1/9/20

Volvemos con renovadas forzas!



Pois sí, aquí estamos, despois dun ano de silencio no blog, aínda que non deixamos ás nosas actividades mentres nos foi posible. 
Temos pasado unha época de cambios (outra vez!), pero somos como a ave fénix, que sempre rexurde con ganas das dificultades. 
Hai un ano que deixounos o noso anterior director, Javier Santalices. Outras obrigas lle impedian poder atendernos así que tivemos que aceptar as circunstancias e despedirnos de esta boísima e divertida persoa coa que disfrutamos moito no ano que estivo con nós. Que a forza e a sorte o acompañe! Pero quedamos en boas  mans, nas de noso actual director Manuel Cunqueiro. Xa levamos un ano traballando con él pero, cando estabamos empezando a planificar o noso traballo, vímonos inmersos no problema Covid19. Non fai falta que vos diga as dificultades que temos na nosa actividade. A finais de xuño empezamos outra vez os ensaios, aínda que non o coro completo pois tiña carácter voluntario. 
E sí, aquí estamos outra vez retomando o canto. Enmascarados, distanciados e desinfectados, pero estamos. 
Este sábado 29 de Agosto participamos nas actividades programadas pola Acopovi e o Concello na rúa; actuamos na praza do Mercado do Progreso xunto a outras dúas corais, Voces de Liberdade e San Mamede de Zamáns. Ben que se notou a falta do calor imposta polo distanzamento! En fin, o 13 de setembro actuaremos en Castrelos, tamén con outras dúas corais e quédanos por poñer data a un Concerto Solidario. Xa os avisaremos.
A ver se vides a arrouparnos nestes tempos fríos para darnos algo de calor! Esperámosvos! 

7/7/19

Seguimos traballando!


Sempre aprendendo! Como vedes, con Pablo Ferradás, entrenándonos niso da técnica vocal. Somos unha modesta coral...pero con moitas ganas! Aproveitamos o parón do mes de xuño para seguir evolucionando e conseguir un mellor son e unha mellor interpretación. Non é doado pero estamos no camiño. A FE.CO.GA concedeunos o curso e sacámoslle ben de proveito!

Antes estivemos atarefados! Despois do Festival de Música Sacra (tedes unha mostra no apartado Escoitanos! da páxina de Inicio), estivemos no Mar de Vigo cantando conxuntamente coa Coral Anduriña de Coruxo, no Festival das Letras Galegas, organizado pola Acopovi e o Concello, e cantando unha misa na novena de María Auxiliadora. 

A semana que ven cantamos na novena da Virxe do Carme en Carmelitas e acabaremos o 29 de Xullo cantando na novena do Cristo da Victoria na Colexiata. Moita música sacra!

E aquí tedes outra mostra do noso facer: Arreglo coral da Aria de Bach.


Xa sabedes onde ensaiamos! Animádevos a cantar connosco!

5/4/19

Disfrutando coa música sacra!

Igrexa do Carme. Vigo.
Seguindo coa nosa tradición, o día 11 de abril, xoves, ás 20.30 h., cantaremos na Igrexa dos Carmelitas de Vigo, dentro  do XIV Festival de Müsica Sacra organizado pola Acopovi e o Concello de Vigo, este ano adicado a unha das figuras máis queridas no ámbito coral da nosa cidade, Don Xulio Mosquera González, falecido recentemente. Ao longo do mes de abril tedes un amplo abano de corais actuando polas igrexas viguesas e podedes disfrutar da música sacra no contorno para o que foi composta. Deixovos o programa en pdf no enlace de abaixo. Animádevos!








7/2/19

Xa estamos en marcha!

A.V.C.D. de Lavadores

Non tardamos moito en seguir a nosa andaina!. O día 19 de Xaneiro cantamos na A.V.C.D. de Lavadores. Fermoso centro e un moi agradable concerto, a pesares das dificultades engadidas polo día chuvioso e desapacible! Grazas á organización e á xente que foi a escoitarnos pola súa acollida!
E, como non hai que perder a forma, xa estamos ensaiando cousas novas e preparando habaneras e música sacra. O 19 de marzo cantamos no Festival de Habaneras e Polifonía as 18 h. (os primeiros!), e o 11 de abril (8.30 h.), na Igrexa dos Carmelitas de Vigo, o noso tradicional concerto e Música Sacra dentro do festival do mesmo nome organizado por Acopovi.
Animádeos a compartir connosco estes momentos!

14/12/18

No Festival Rey Rivero


Outro ano máis participamos neste Festival Rey Rivero e, coma sempre, fixémolo coa maior ilusión e disfrutando ao cantar nese escenario tan especial que xa nos vai sendo familiar. Parece que a pesares de ser os primeiros puxemos paixón da nosa parte porque notámolo no público que se achegou a escoitarnos! Grazas polo calor recibido!